ҚЫЗМЕТКЕРЛЕРДІ ҚАБЫЛДАУҒА ӨТІНІШ
III-Баламалы инвестициялар департаменті
Сарапшы
Негізгі функционалдық міндеттері:
Жылжымайтын мүлік және инфрақұрылым қорларын таңдау жөніндегі инвестициялық процестерге қатысу:
- Жаңа қорларды таңдау процесін жүзеге асыру: нарықта скрининг жүргізу, қорлардың деректер базасымен жұмыс, қорларға қоңырау соғу және кездесулер өткізу, инвестициялық дью-дилидженс өткізу, инвестициялық шешімдер қабылдауға арналған материалдар дайындау;
- Инвестициялық қызметті жүргізу шеңберінде басқа бөлімшелермен өзара әрекеттестік жасау;
- Корпорацияның басқармасы мен Директорлар кеңесіне арналған Департаменттің инвестициялық ұсыныстарын инвестициялық комитеттің қарауына, сонымен қатар, Департаменттің қызметіне қатысты мәселелер бойынша материалдар дайындау;
- Әлемдік жылжымайтын мүлік және инфрақұрылым нарықтарын зерттеу және инвестициялық тартымды стратегиялар, аймақтар мен салалар бойынша ұсыныстар әзірлеуге қатысу;
- Қазіргі басқарушылармен қарым-қатынасты сақтауға және жаңа басқарушылармен және нарық қатысушыларымен қарым-қатынас орнатуға қатысу.
Ішкі құжаттарды жасауға және келісуге қатысу:
- Заңдық құжаттарды дайындау және келісу;
- Корпорацияның серіктестерімен, кеңесшілерімен және қызмет көрсетушілерімен өзара әрекеттестік.
Ағымдағы инвестициялар портфелінің мониторингі:
- Басқарушыларға тұрақты түрде қоңырау шалу;
- Қордың есептілігін талдау және портфельдік компанияларды талдау;
- Мониторинг бойынша есептер мен презентациялар дайындау;
- Жылжымайтын мүлік және инфрақұрылым қорлары бойынша ақпаратпен мәліметтер базасын жүргізу.
Бизнес-процестерді оңтайландыру:
- Департаменттің бизнес-процестерін жақсартуға/автоматтандыруға қатысу;
- Басқа бөлімшелермен бизнес-процестерді үйлестіру.
Талаптар:
Білім:
жоғары кәсіптік білім (экономикалық/қаржылық/бухгалтерлік есеп және аудит/математикалық/техникалық ғылымдар).
Еңбек өтілі:
активтерді басқару, портфельді басқару, консалтинг, бағалау, аудит немесе Инвестициялық банкинг саласындағы мамандығы бойынша бір жылдан кем емес, және/немесе шетелдік жоғары оқу орындарында жоғары және жоғары оқу орнынан кейінгі білім беру бағдарламаларын аяқтаған.
Арнайы білім мен дағдылар:
- Кәсіби CFA, CAIA, FRM, PRM немесе теңдес сертификаттардың болуы немесе сертификаттау деректерін алу барысы қажет;
- Өз ойларын жазбаша және ауызша сауатты жеткізе білу;
- Сандық деректерді де, заңды құжаттарды да қоса алғанда, ауқымлы көлемді ақпаратпен жұмыс тәжірибесі;
- MS Office (Excel, PowerPoint, Word) құралдарымен жұмыстың озық дағдылары;
- Терең инвестициялық талдау жүргізуде және талдамалық мақалалар жазуда тәжірибесі болғаны құпталады;
- Қаржылық басқару принциптерін, корпоративтік қаржыны, қаржылық жоспарлауды және қаржылық модельдеуді білу;
- Жылжымайтын мүлік және инфрақұрылымдық қорлар арқылы инвестицияларды тартудың ерекшеліктерін білу;
- Портфельдік инвестициялардың құнын бағалау және қаржылық инвестициялардың тиімділігін анықтау мүмкіндігі;
- Жылжымайтын мүлік қорларының, инфрақұрылымдық қорлардың, өзара қорлардың және басқалардың ерекшеліктері мен жұмыс істеу принциптерін білу;
- Қаржылық есептілік және бухгалтерлік есеп принциптерін білу (Халықаралық қаржылық есептілік стандарты).
Жеке қасиеттері:
жауапкершілік, адалдық, мұқияттылық, бастамашылық, орындаушылық және қарым-қатынасқа ашықтық.
Шет тілдерін білу:
ағылшын тілін еркін меңгеру.
Жұмыс сипаты (тұрақты, уақытша):
Тұрақты
Жұмыс шарттары (жұмыс уақытының режимі):
Корпорацияның талаптарына сәйкес
Жұмыс орны (тұрақты жұмыс орны, іссапар мүмкіндігі):
Іссапарлар болуы мүмкін
Сынақ мерзімі:
3 ай
Таңдау көзі (ішкі немесе сыртқы):
Сыртқы
Түйіндемені «Сарапшы ДАИ-III» белгісіменмкелесі мекенжайға жіберуді сұраймыз: hr@nicnbk.kz